I han’s no en d’Ohra drenn,
was letscht Johr d’meischt versproche henn:
Friede überall auf dr Erda
s’war bloß z’kurz, jetzt gibt’s Beschwerda

d’Wirtschaft hätt steil wachsa solla,
älle schöpfet aus d’Volla.
d’Arbeitslosazahl steigt nuff,
d’Regierung sagt, des sei koin Bluff.

Wer isch schuld an sodde Fehlprognosa?
Zerscht s’Maul vollnemma, nochher volle Hosa.
Net bloß Gurus, Bosse ond s’Kabinett
mir älle, d’Gsellschaft steueret om d’Wett.

Was sollet mr doa: Apacka, denka?
Warta? s’wird scho oiner lenka?
Ob’s omal dr Hemmel richtet,
en dr Welt d’Streitereia schlichtet?

Dazu isch zur Weihnachtszeit
Olass, dass mr älls verzeiht.
d’Hand reicht ond a noble Gescht,
no koas werde s’beschte Fescht.

Hoff’mr älle, dass so wird
om ons rom dr Engel schwirrt.
Mit seim Sega älle osteckt
ond en ons dr Frieda weckt.

Mir wenschet Äpfel, Nüss ond Kerza,
a bissle Glück ond frohe Herza
Ond wenn’r z’viel hend, gebet ab,
no wird’s gerecht ond niemand knapp.