Mir sitzet onderm Äpfelbaum,
still vergnüagt, mr sieht ons kaum.
Em oigna Garta, s’blüaht, gedeiht,
s’Saugschäft vergessa, jo koin Neid.

Em Frühjohr treibet Krokus raus,
Narzisse, Tulpa schmückets Haus.
Do wird a jedes Blüamle ghegt,
oinzeln düngt, globt, gossa, pflegt.

Die Freud läßt all den Schweiß vergessa,
wenn’d dann auf dr Terrass mol gsessa
ruahscht de aus ond trenkscht en Saft,
was kommt als nächschtes, tank schnell Kraft.


Jungen Freunden zum Einzug ins neue Heim gewidmet.